මගේ ආදරේ

හිස් කොළයක් මත

සීරැවට අකුරැ කරාපු

මගේ ආදරේ

හරි ආදරණීයයි

කැටයම් දාලා රටාවකට ඇදපු

ඔයාගේ ආදරේට වඩා

මාව මතක් වෙන්න එපා

මතු දවසක

මං වගේම ඇයත්

නුබේ අතේ එල්ලී ඇවිදිවි

එදාට ඔයාට

අතොරක් නැතිව කියව කියව

ඔයා ළගින්ම ඇවිදපු

මාව මතක් වෙන්න එපා

හැම වෙලේම

මාව මතක් වෙන්නෙ නෑ නේද දැන්

මට ආදරේ අඩු වෙලා නේද දැන්

කියල කරදර කරන

ඔයාටත් වඩා ඔයාට ආදරේ කරපු මාව

එදාට

ඔයාගෙ ඇස් ඉස්සරහ මැවෙන්න එපා

නුඹ සහ මම

නුඹ

සංස්ථානික සංසරනය වෙද්දි

මම

පුප්පුශීය සංසරනය

වුන අරැමය

හිතුවෙ නෑ කවදාවත්ම නුඹ දකින්නට ආයෙමත්

එදා වගේමයි ඔය හිනාව හරි මනමාලයි

කෙස් ගහක් දෙකක් සුදු වුනාට අතරින් පතර

තාමත් ඔයා එදා වගේම හරි ලස්සනයි

හිතුවෙ නෑ කවදාවත්ම නුඹ දකින්නට ආයෙමත්

තනිවම මේ බිත්ති හතරක් මැද්දෙදි,

නුඹ එක්ක මුල්ම ගමන් ගිය

පොඩි කෙල්ල නෙවෙයි අද මං

නුඹ නිසා දහසක් ගැරහුම් මැද

සිනාසෙන්න ට පාර සොයා ගොස්

අතරමං වුන ගැහැණියකි මං

ඒත්,

අදටත් නෑ නුඹ ගැන කිසි අහිතක්

සල්ලි එපා ඇවිත් නුඹ ඉස්සර වගේ

හෙමිහිට සිප ගන්න ඒ ඇති මට

හිතුවෙ නෑ කවදාවත්ම නුඹ දකින්නට ආයෙමත්

මට ලෝබ සිතෙන්නට කළින්

මගේ හිත ළග මනමාළකම් කරන

මගේ නෙතු ළග හීන මවන

නුඹ යන්න,

මට ලෝබ සිතෙන්නට කළින්

මේ ආදරේ ගැන

නුඹ යන්න යළි නොඑන්නම

මට දුන්න ආදරණීය මතකයන් ඉතුරැ කර

මගේ කදුලුත් අරන්

ඔයාගෙ හිත ළගින් විතරයි මං ආදරය ඇහින්දෙ

ගොඩක් කෙල්ලො එක්ක මං හිතේ හැටියට රවුන් ගැහුවා

ඒත් ඔයා ළගදි විතරයි මං ඔයාට ඕන විදියට ඇවිදන් ගියේ

හැම හිතක් ළගදිම මං ආදරවන්තයෙක් වුනාට,

ඔයාගෙ හිත ළගින් විතරයි මං ආදරය ඇහින්දෙ

හැම කෙල්ලෙක්ගෙම හීන මාළිගාවල අත්තිවාරම මං වුනාට,

ඔයාට විතරයි පුලුවන් වුනේ මගේ හීන මාළිගාවේ සැකැස්ම අදින්න

හැම කෙල්ලෙක්ම සීමා විරහිතව මට ආදරේ කරද්දි,

ඔයා විතරමයි මට සීමා රහිතව  ආදරේ කරන්නෙ

ඒ නිසාම ද මන්දා මගේ රස්තියාදුකාර හිත

ඔයාගෙ දගකාර හිතට මෙච්චර ආදරේ