එදා වගේමයි ඔය හිනාව හරි මනමාලයි
කෙස් ගහක් දෙකක් සුදු වුනාට අතරින් පතර
තාමත් ඔයා එදා වගේම හරි ලස්සනයි
හිතුවෙ නෑ කවදාවත්ම නුඹ දකින්නට ආයෙමත්
තනිවම මේ බිත්ති හතරක් මැද්දෙදි,
නුඹ එක්ක මුල්ම ගමන් ගිය
පොඩි කෙල්ල නෙවෙයි අද මං
නුඹ නිසා දහසක් ගැරහුම් මැද
සිනාසෙන්න ට පාර සොයා ගොස්
අතරමං වුන ගැහැණියකි මං
ඒත්,
අදටත් නෑ නුඹ ගැන කිසි අහිතක්
සල්ලි එපා ඇවිත් නුඹ ඉස්සර වගේ
හෙමිහිට සිප ගන්න ඒ ඇති මට
හිතුවෙ නෑ කවදාවත්ම නුඹ දකින්නට ආයෙමත්