ආදරේ වැඩියෙන්ම තිබුණෙ
මං කියවන ඔයා අහන් ඉන්න
වෙලාවල නෙවෙයි
කිසිම කතාවක් නැතුව
අපි අපේ මුණු දිහා බලන් හිටිය වෙලාවල
ආදරේ වැඩියෙන්ම දැනුනෙ
මෘදු සිපගැනීමකට එහා ගිය
හිත විනිවිද ගියපු
නුබේ ආදරණීය වචනවල
ආදරේ වැඩියෙන්ම ඕනවුනේ
කවුරුත් නැති
තනිවුනු වෙලාවක නෙවෙයි
දහසක් ඇස් අතර
තනියක් දැනුන වෙලාවලදි
ආදරේ වැඩියෙන්ම තිබුණෙ
ආදරෙයි කියල මුකුත්ම කියන් නැතුව
ඔයා මට ආදරේ නෑ කියල
මං බොරුවට තරහ වුනු දවසක
ආදරේ වැඩියෙන්ම ඕනවුනේ
දුරක ඉන්න වෙලාවට නෙවෙයි
ළගින්ම ඉන්න වෙලාවක
මගේ ඇස් මග ඇරල
ඔයා කියවද්දි
