අම්මේ

පැන්සලකට හැකි නම්

නුඹේ ආදරය

කවියක් කරන්නට,

මටත් පුලුවන්

නුඹේ ආදරයට

මිලක් දෙන්න




                                 

මගේ පෙම්වතාණනි

සදට ඉරට මතකයන් දෙන්නට

මතකද ඔබ මා හමු වුනා

නිම් නොවන අනන්තය තෙක්‍

වෛදික වූ ජීවිතයේ,

කෙදිනක හෝ...............

මළ හිරැ බසින හැන්දෑවක

නුඹ සමග අවසන් ගමන් යන තුරැම,

මට අවැසිය නුඹව

මේ බවයේදී පමනක් නොව

මතු හැම බවයකදීම

නුඹේ උණුහුමේ සැතපෙන්නට

නුඹවම මට අවැසිය

මගේ පෙම්වතාණනි,

ලවන් හසකැන් ආදරයෙන් හැගුම්බර වෙද්දි

පෙම් සිනා මැද ජීවිතය විදින්නට,

අම්මෙක් වගේ ජීවිතය සනහන්නට

පතිනිය වි නුඹේ කැණි මඩල සරසන්නට

මගේ ආදරය ළග ඔයාගෙ ළමයින්ගෙ අම්ම වෙන්න

නෙතු නොපියාම මම හීන දකිමි

මගේ ප්‍රේමයේ උත්තරීතර හිමිකරැවාණි.............

                      

රේඛනය කළ නුඹේ ආදරය

හර බර තුලනය නොවු

අවිනිශ්චිත ගිනුමක් විය නුඹ හැමදාම

බොල් ණයක් ලෙස කපා දැමීමට

අද වන තුරැත් මට නොහැකි වූ

අගරැ වු චෙක්පතක් වන් නුඹේ ආදරය

                                 

මගේ කෝවලන්

 හේතුවක් සොයන්නට

හෝ

පිළිවදනක් අසන්නට

අවැසි නැත මට

මා නුඹට දුන් ආදරේ

කෝවලන්

ප්‍රේමයේ පාරමිතාව පුරා

කප් සුවහස් කල් පෙරැම් පුරා

සසර පුරා මා නුඹේ වන්නට

පැතුවෙමි කෝවලන්

ඉතිං....................................

මගේ ආදරයේ කොතනද අඩුවක් වුනේ

නුඹ ට  ඇගෙන් ලැබුණාද ආදරය මට වඩා

හුස්ම පොදකින්වත් වෙනසක් නොකර

මං

නුඹටම පමණක්ම පෙම් කෙරැවෙමි

නුඹම පමණයි මගේ උත්තරීතර ප්‍රේමයේ

කියූ නුඹම,

ඇයි මගේ ආදරය ඇය ළගදි සැසදුවේ

මගේ කෝවලන්

අහස ගිගුම් දී හැඩුවත්

දසතින්ම සුළං හැමුවත්

යළි කිසිදු බවයක තියා මේ බවයේදීවත්

නුඹ හැර කිසිදු ප්‍රේමයක් නොපතමි මා

මගේ කෝවලන්

                                           

මං නුඹෙන් අයිතියක් ඉල්ලමි

කොන්දේසි විරහිත ප්‍රේමයක

මං නුඹෙන් අයිතියක්  ඉල්ලමි

මන්ද,

හිත ලෝබ වි ඇත

නුඹ ව තවකෙකුට දීමට තරම් 

මා

අත්හැරීම ප්‍රගුන කොට නැති නිසා

                                          

Unlimited හීනයක්

Limited ලේබලයට යටත් වුන ජීවිතයක

මම

Unlimited හීනයක් දකිමි