සමාවී අහන්න

මං දැනගෙන හිටියෙ නෑ

නුඹයි මමයි, අපි දෙන්නම

එක උරහිසක සැනනසිලා

එකම පපුවක නිදාගෙන

එකම හුස්මක පහස ලබලා

එකම හිතකට මැරෙනකන් පෙම් කරා කියල….

ඒත්,

මන් හිතුවෙම

ඒ හිතේ තනි අයිතිවාසිකම මං කියලයි

නොතේරෙනව නෙවෙයි මටත්

නුබත් එහෙම්මම හිතන්න ඇති

සමාවී අහන්න ……

සින්නක්කරවම

අපේ වූ ඔහුව

නුබේ කර ගන්න,

මං පැතුවේ ඔහුගෙන්

ආදරේ විතරක්මයි,

ඉතිං ……

ඒ දුන්න ආදරේ විතරක්ම

හොදටෝම ඇති මට

ජීවත් වෙන්න